Қасым-Жомарт Тоқаев Травматология бөліміндегі палаталарды аралап көріп, террорлық акті кезінде зардап шеккен азаматтармен жүздесіп, әңгімелесті.
Президент жараланғандардың хал-жағдайларын сұрап, олардың тезірек сауығып кетуіне тілек білдірді. Ол сондай-ақ аурухана дәрігерлерімен де сөйлесті.
Мемлекет басшысының айтуынша, күштік құрылымдардың зардап шеккен барлық қызметкеріне тиісті көмек көрсетіледі.
Дәрігерлердің айтуынша, зардап шеккен азаматтардың бәріне дер кезінде жан-жақты медициналық көмек көрсетілді.
