Аймақтар • 14 Қаңтар, 2022

Шымкентте карантиндік шектеулер күшейтіледі

202 рет көрсетілді

Шымкент қаласының бас мемлекеттік санитарлық дәрігері карантиндік шектеулер туралы жаңа қаулыға қол қойды, деп хабарлайды Egemen.kz.

Шымкент қаласында 15 қаңтардан бастап карантиндік шектеулер күшейтіледі.

Құжатқа сәйкес, ашық ауада және жабық үй-жайларда, соның ішінде үйде отбасылық және еске алу шараларын, атап айтқанда банкет, үйлену тойы, мерейтойларды өткізуге тыйым салынады.

Тек Ashyq жобасына қатысатын нысандарда 30 адамға дейін ас беруге рұқсат етіледі.

Бұдан бөлек, қоғамдық көлікке жүктемені азайту үшін ұйымдар мен кәсіпорындарда сараланған жұмыс кестесі енгізіледі.

Қаулы 2022 жылдың 15 қаңтарынан бастап күшіне енеді.

Бұған дейін Қазақстанның бас мемлекеттік санитарлық дәрігері елде эпидемиологиялық жағдайдың нашарлауына байланысты жаңа қаулы қабылдады. Оған сәйкес, жұмыс және демалыс күндері сауда орталықтары, фитнес, йога орталықтары, бассейн, сауна, моншаларға тек «жасыл» статусы бар адамдар кіргізіледі. 



Соңғы жаңалықтар

Валюта нарығындағы ахуал

Экономика • Кеше

Қоңырқай болмыс

Руханият • Кеше

Желтоқсандық журналист

Қазақстан • Кеше

Піл

Өнер • Кеше

Ұқсас жаңалықтар