Аймақтар • 20 Қаңтар, 2022

Оралдық ғалымдар халықаралық грант ұтты

2078 рет көрсетілді

Жәңгір хан атындағы Батыс Қазақстан аграрлық-техникалық университетінің қос ғалымы «Болашақ» халықаралық стипендиясының «Тағылымдама» бағдарламасы грантын ұтып алды, деп жазады Egemen.kz.

Енді олар өз мамандығы бойынша Ресей мен Беларусь елдеріндегі іргелі жоғары оқу орындарында тағылымдамадан өтетін болады.

Университеттегі Сынау орталығының ғылыми қызметкері, ауыл шаруашылығы ғылымдарының магистрі Айнұр Харжау «Болашақ» халықаралық стипендиясының грантын иеленді. Жас ғалым енді осы гранттық қолдаудың көмегімен К.А.Тимирязев атындағы Мәскеу ауылшаруашылық академиясында «Мал шаруашылығы өнімдерін өндіру технологиясы» мамандығы бойынша 6 ай көлемінде ғылыми тағылымдамадан өтеді.

465416

Халықаралық стипендияның грантына ие болған тағы бір ғалым – Индустриалды-технологиялық институты доцентінің міндетін атқарушы, PhD докторы Ербол Ербаев. Ербол Төлегенұлы Белоруссия мемлекеттік аграрлық-техникалық университетінде «Ауыл шаруашылығын энергиямен қамтамасыз ету» мамандығы бойынша 6 ай тағылымдамадан өтіп, тәжірибесін толықтырмақ.

Батыс Қазақстан облысы.

Соңғы жаңалықтар

Ұқсас жаңалықтар