Экономика • 21 Қаңтар, 2022

Ұлттық банк: Күмәнді трансшекаралық операцияларға қаржы мониторингі күшейтілді

222 рет
көрсетілді
1 мин
оқу үшін

Бұл туралы Ұлттық банк төрағасы Ерболат Досаев Мемлекет басшысының отандық инвесторлармен кездесу барысында айтты, деп жазады Egemen.kz.

Ұлттық банк: Күмәнді трансшекаралық операцияларға қаржы мониторингі күшейтілді

«Осы жылғы 10 қаңтарда Ұлттық Банктің, Қаржы мониторингі агенттігі (ҚМА) мен Қаржы нарығын реттеу және дамыту агенттігінің (ҚНРДА) бірлескен бұйрығы қабылданды, онда күшейтілген қаржы мониторингіне жататын трансшекаралық операциялардың тізбесі бекітіліп, операцияларды жүргізуге берілген өтінімдер бойынша іс-қимыл алгоритмі белгіленді. Екінші деңгейдегі банктер үшін бірлескен бұйрықтың нормаларын түсіндіру Қазақстан қаржыгерлері қауымдастығының қатысуымен жедел түрде жүргізілді», деді ол. 

Ерболат Досаевтың айтуынша, үздік әлемдік практиканы ескере отырып, екінші деңгейдегі банктер KYC (know your client) қағидаттары шеңберінде тәуекелі жоғары операцияларды жан-жақты зерделеу жұмысын күшейтті.

«Парламенттік сессияның соңына дейін қаржы мониторингі шараларын одан әрі күшейтуге және Экономикалық ынтымақтастық және даму ұйымының (ЭЫДҰ) стандарттары бойынша қаржы жүйесіне KYC қағидаттарын толық енгізуге бағытталған заңнамалық түзетулер блогын әзірлеу және қабылдау қажет деп есептейміз», деді Ұлттық банк төрағасы.