Экология • 02 Ақпан, 2022

Семейде заңсыз ағаш кескендер ұсталды

37 рет көрсетілді

«Семей орманы» резерватының аумағында ер адамдар ірі техниканың көмегімен заңсыз ағаш кескен, деп хабарлайды Egemen.kz.

Қылмыс қаңтар айының басында тіркелген. Қаңтар айында Бесқарағай РЖП кезекші бөліміне «Семей орманы» директорының өтініші келіп түсті. Ол орман күзетшілерінің патрульдік жұмыстары кезінде ағаштарды заңсыз кесу деректерін анықтағанын хабарлады. 112 қарағай, көлемі 56 текше метрден асатын 25 көктерек кесілді. Бұрын орман болған ұлан-ғайыр аумақта тек діңгектер мен кесілген ағаш бұтақтары қалған.

Жедел іздестіру іс-шаралары барысында полиция қызметкерлері күдікті ретінде 40-43, 46, 30, 51 жастағы Бесқарағай ауданы мен Семей қаласының тұрғындарын ұстады. Ұсталғандардан трактор, тіркеме, сондай-ақ кесілген ағаштардың бөренелері тәркіленді. Полицияның мәліметінше, келтірілген шығын шамамен 350 000 теңгені құраған.

Аталған факт бойынша ҚР Қылмыстық кодексінің 340-бабының 3-бөлігі - ағаштар мен бұталарды заңсыз кесу, жою немесе зақымдау бойынша сотқа дейінгі тергеу басталды.

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар