«Бүкіл саналы ғұмырын ұлт руханияты жолына арнаған Әбдіжәміл Нұрпейісов дарынды қабілетімен, қарымды қаламгерлік қырымен қазақ әдебиетіне мол рухани мұра қосып, артына мазмұны тозбас мәңгі көркем шығармашылық дүниелер қалдырды.
Ағамыздың азаматтық болмысы, жарқын бейнесі, ел тәуелсіздігі жолында атқарған еселі еңбегі қатары көп қалың оқырмандарының есінде мәңгілік сақталатын болады.
Марқұмның жатқан жері жарық, топырағы торқа болып, нұры пейіште шалқысын», делінген министрлік хабарламасында.
Бүгін 16:35-те «Qazaqstan» және 14.30, 19.30-да «Abai tv» телеарналарынан жазушының көзі тірісінде түсірілген «Тұлға» хабары көрсетіледі.
