«Әбдіжәміл аға ұлттық әдебиетімізді жаңа биікке көтерген, сол жолда бүкіл ғұмырын сарп еткен үлкен жүректі қаламгер еді. ХХ ғасырда халқымыздың басынан өткен небір зобалаңның куәгері болды. Соғыс жылдарында да қан майданның ортасынан табылды. Соның бәрінде тағдырына еш мойымай, ірілік пен өрліктің озық үлгісін көрсетті.
Жазушының қаламынан туған «Қан мен тер», «Соңғы парыз» романдары және басқа да шығармалары қазақ әдебиетінің алтын қорына қосылған қымбат қазына болып қала береді. Ағамыздың жарқын бейнесі әрдайым біздің жадымызда асқақ қалпында сақталады.
Әбдіжәміл Нұрпейісовтің қайтыс болуына байланысты марқұмның жақындары мен туыстарына орны толмас қайғыларына ортақтасып, көңіл айтамын», деп жазды Мәулен Әшімбаев Instagram желісінде.
