Жаңартылған рейтингте қазақстандық спортшы жартылай орта салмақ дәрежесінде үздік он бестікке енген болатын. Соңғы деректерге сенсек, қазақ оғланы келесі кездесуінде рейтингте 12 орынға орныққан АҚШ спортшысы Джефф Нилге қарсы октагонға шығуы мүмкін. Америкалық спортшыдан айласын асырса Шавқат үздік ондықтың қатарынан көрінетіні даусыз.
Отандасымыз өзінің рейтингте үздіктер қатарына іліккені туралы ақпаратты инстаграмдағы парақшасында бөлісіп: «Иншалла, келесі қадамдар жаңа биіктерге бастайтын болады», деген жазба қалдырды.
Естеріңізге сала кетейік, жартылай орта салмақта Камару Усман әлем чемпионы екені мәлім. Шавқаттың мақсаты – болашақта өз салмағының үздігі атану.
