Команданың директорлар кеңесінің шешімімен Бауыржан Абдубаитов «Ордабасы» футбол клубының жаңа президенті болып тағайындалды.
Бауыржан Тойшыбекұлы 1959 жылы 27 қарашада дүниеге келген. Қазақстан футбол федерациясы Атқарушы комитетінің мүшесі, Қазақстан футбол федерациясының әйелдер футболы комитетінің төрағасы. 2002 жылдан бері «БИІК» компаниясының президенті қызметін атқарған («БИІК» футбол орталығы және «БИІК-Шымкент» ӘФК). Абдубаитовтың жетекшілігімен «БИІК-Шымкент» әйелдер клубы УЕФА Чемпиондар лигасының 1/8 финалына үш мәрте шыққан болатын. Команданы бұған Бақтияр Байсейітов басқарған еді.
