Қостанайда құрылыс департаментінің қызметкерлері қамауға алынды

Өңірлік даму министрлігі құрылыс және тұрғын үй-коммуналдық шаруашылық істері комитетіне қарасты Қостанай облысындағы мемлекеттік сәулет-құрылыс қадағалау департаментінің  3 лауазымды қызметкері қамауға алынды. Бұл туралы Egemen.kz тілшісі хабарлады. Оларға Қылмыстық кодекстің 314-бабы, 4-бөлімінің «в» тармағына сәйкес (пара алу) айып тағылып отыр. Бізге келіп түскен ақпарға жүгінсек, Қостанай қалалық №2 сотының шешімімен аталмыш департамент директоры Александр Ен мен бөлім басшысы Қайрат Қасенов қамауға алынған. Ал директордың орынбасары болған Елдос Ағитаевке үй қамағына алу шарасы қолданылды. Биылғы 20 наурыз күні жемқорлыққа жол берген бұл қызметкерлерді қаржы полициясының қызметкерлері қолға түсірген. Бұларға қатысты қылмыстық істің немен аяқталғанын алдағы уақытта қосымша хабарлайтын боламыз. Әмірхан Алмағанбетов. Дереккөз: Egemen.kz. Фото: Gigamir.net.