«Салават Юлаев» серияның төртінші матчында да ұтты

Бүгін, 25 наурыз күні Уфаның «Салават Юлаев» командасы өз алаңында Астананың «Барысын» овер-таймда 3:2 етіп ұтты. Бұл туралы «Советский спорт» хабарлады. Ойынның негізгі уақытында «Барыс» екі рет есепті теңестірді. Алдымен уфалық Игорь Мироновтың голына Найджел Доус жауап қайтарды. Матч бітуге екі минут қалғанда, алаң иелері тағы да алға шықты. Осымен кездесу де аяқталатындай болып көрінген. Ал төрешінің соңғы ысқырығы естілуге 9 секунд қалғанда, Дмитрий Уппер есепті теңестіріп үлгерді. Содан кейін овер-таймға кезек келді. Осы кезеңде салаваттық Кирилл Кольцов командасына жеңіс алып берді. Еске сала кетейік, бұл қарсыластардың Астанада өткен екі кездесуінің нәтижесі 1:1 болды. 21 наурыз күні өткен бірінші матчта «Салават» пен «Барыс» негізгі уақытта бүгінгідей 2:2 есебімен тең түсті. Қосымша уақытта қонақтар бір доп соғып кетті. Келесі, 22 наурыз күні астаналықтар 5:2 есебімен жеңіске жетті. Ал 24 наурызда Уфада жалғасқан кездесуде дәл осындай есеппен «Салават» басым шықты. Сосынғы нәтиже мынадай. Осымен сериядағы есеп 3:1 болды. «Салават Юлаев» алда келеді. Қарсыластар келесі матчты 27 наурызда Астанада өткізеді. Мүбәда осы ойында қонақтар жеңіп кетсе, серия да аяқталады. Дамир Қожамқұл. Дереккөз: Советский спорт. Фото: ИТАР-ТАСС.