ДЕРЕК ПЕН ДӘЙЕК

42 900 000 000 Бұл Елбасымыздың тапсырмасы бойынша мұнайшылар қаласы – Жаңаөзеннің қордаланып қалған әлеуметтік-экономикалық мәселелерін шешуге 2010-2012 жылдарға бөлінген қаржы көлемі Үкімет қаулысымен бекітілген Жаңаөзен қаласын дамытудың кешенді жоспарының аясында атқарылудағы ауқымды жұмыс­тар­мен танысып, өзендіктермен жиі кездесу облыс әкімі Қырым­бек Көшербаевтың қалыптасқан дағдысы. Осы жылдың үш айында ғана 1705 адам жұмыспен қамты­лып­ты. Бұл өткен жылғыдан 2,1 есе көп. Шағын кәсіпкерлік субъек­тілеріне несие беруде банктер мен келісім-шартқа отыру өсе түскен. Қаланы сумен, жылумен, газбен жабдықтауды одан әрі ұл­ғайта түсудің жобалық-сметалық құжаттары жасалып, мемлекеттік сараптамадан өткізілуде. Қала жол­дарын салу мен күрделі жөн­деуге 500 млн.теңге қаралыпты. Кешенді жоспарға сай әлеумет­тік сала үшін 12 нысан құры­лысы басталмақшы. Сондай-ақ қаланы көріктендіру, көгалдан­дыруға бөлінген қаржы көлемі де өткен жылғыдан  едәуір көбейтіліпті. Жоламан БОШАЛАҚ, Маңғыстау облысы, Жаңаөзен қаласы. 139 000 000 Облыс орталығындағы “Автопарк” ЖШС осыншама қаржыға салонына 110 жолаушы ала алатын  сыйымдылығы үлкен “ЛИАЗ” маркалы 15 автобус сатып алды. Олардың әрқайсысы 9,2 мил­лион теңге тұрады. Бұл авто­бус­тар қаланың орталық көше­ле­рін­дегі бағыттарға жіберілді. Серік­тестік тағы да сыйымдылығы үл­кен Қытайда шығарылған 10 ав­тобус әкелмек. Мұндай авто­бус­тардың бағыттарға шығарылуы жолаушыларға қолайлы  және тасымал қызметінің сапасын арт­тыратын болады. Ақтөбе қаласындағы жолау­шы­лар  тасымалын атқаратын іргелі кәсіпорын – “Автопарк” ЖШС жыл өткен сайын автобус паркін жаңартуға көңіл бөліп келеді. Сатыбалды СӘУІРБАЙ, Ақтөбе облысы. 68 000 000 “Аврора Агро” шаруа қожалығындағы жақсы бастамаға осыншама теңгенің инвестициясы тартылған Өңір халқын азық-түлікпен қамтамасыз ету және эколо­гия­лық жағынан сапалы өнім өндіру күн тәртібіне өткір қойылып, нәтижесінде жылыжайлар қатары толығуда. Осы орайда Қарасай ауданы, Елтай селолық округін­дегі “Аврора Агро” шаруа қожа­лығы  бұдан бірер жыл бұрын 9900 шаршы метр аумақтың бір бөлігіне жоба бойынша 30 жы­лы­жай салып, жұмысын бастаған еді. Биылғы ақпан айының со­ңында егілген қияр, қызанақ өнім­дері маусым айының алғаш­қы онкүндігінде тұтынушы дастарханына түспек. Ша­руа қожалығы күн жы­лынған қазіргі кезде ар­тық көшеттерді далаға, жылы­жайдың екінші бөлігіне көшіре егіп, олардан өнім алуды қоңыр күзге дейін жалғастыруды көздеп отыр. Шаруашылықтағы қат-қабат әрекеттерді бастау мен да­мытуға 68 млн. теңге инвестиция тартылып, қысқа мерзімде аталған бағыттардағы жұмыстар­дың тиянағы келтіріліпті. Қазір өндірістегі өнім көлемі 127,5 тоннаны құра­ған. Мұнда 40-қа жуық адам еңбек етіп, эколо­гиялық жағынан таза өнімдерді тұтынушыға ұсыну жалғасуда. Күмісжан БАЙЖАН, Алматы облысы.