«Орталық Азия өңірінің қауіпсіздігі мен қорғаныс әлеуетін қамтамасыз ету мақсатында Қазақстан тарапы Қырғыз тарапына әскери мүлікті өтеусіз беру түрінде әскери-техникалық жәрдем көрсетеді», делінген құжатта.
Бұл ретте әскери мүліктің атаулары мен көлемдерін келісімге қол қойылғаннан кейін екі ай мерзімде тараптардың уәкілетті органдары дипломатиялық арналар арқылы келісетіні көрсетіледі.
«Қырғыз тарапы алынған әскери мүлікті тек осы келісімнің мақсаттары үшін пайдаланады, үшінші тарапқа бермейді және Тәуелсіз Мемлекеттер Достастығына қатысушы мемлекеттерге қарсы пайдаланбайды», делінген құжатта.
Заң жобасы 3 наурызға дейін «Ашық НҚА» порталында жария талқылау үшін орналастырылған.
