Стационар кішкентай балаларды диагностикалау үшін КТ (компьютерлік томография) және МРТ (магниттік-резонанстық томография) жаңа аппараттарымен жабдықталды. 2010 жылы ашылған ауруханада бұған дейін мұндай құрылғылардың біреуі ғана болған. Алайда балалар санының өсуін ескерсек, жоғары сапалы жабдықтарды көбейту қашанда назарда болуы керек.
Балалар ауруханасына әкелінген жаңа МРТ аппаратының артықшылығы 400 мыңға дейін сурет жасайды. Түрлі түсті дисплейі бар, бұл суретті анық және жарқын көруге мүмкіндік береді.
Компьютерлік томогра-
фия аппараты онкологиялық ауруларды, кардиология, неврология, травматология және ортопедия салаларын, сондай-ақ баланың бүкіл денесін диагностикалық зерттеуді қоса есептегенде өзге де ауруларды тексеру үшін қолданылады.
Жалпы, қалалық медициналық орталықтарды жабдықтау үшін тағы 5 КТ аппаратын сатып алу жоспарланып отыр. Өткен жылы елордалық ауруханалар мен емханалар үшін 300-ге жуық түрлі жабдық сатып алынды.
