Аймақтар • 25 Ақпан, 2022

Құрт өсірген Қонысбай

1960 рет
көрсетілді
1 мин
оқу үшін

Қалауын тапса, құртты да өсіруге болады. Қонысбай Тәжібаевтың бұл істі қолға алғанына төрт жылдан асқан. Әсіресе, балықшылар үшін таптырмайтын жауынқұртты өсірудің қыр-сырына интернет арқылы қаныққан.

Құрт өсірген Қонысбай

Қазір ол 700 мыңға жу­ық құртты өсіріп отыр. Құрт­тар­ды Ресейден ал­дырған.

– Бұл – өте сезімтал жән­дік. Баптап жүр­ген иесін та­ниды. Бөтен адам келсе, ма­за­сыздан­ғанын бай­­қай­мын. Құрт­тар­ды өсі­ру үшін ерінбеу керек, – дейді Қонысбай Тәжібаев.

Оның айтуынша, жауынқұрт күбірде өседі. Сол себептен, малдың тезегін таза сумен шайы­п, аммиак қышқылынан тазартады. Сөйтіп, оны биогумусқа айналдырып, құрттарды жібереді.

– Жауынқұрт ылғалды жақсы көреді. Оған жемтік ретінде қағаз қалдықтары мен қураған жапырақты саламын. Арнайы орынның температурасы +15-тен +25 градус аралығында болуы керек. Ал қыста 70 см тереңдікке өседі, – дейді құрт өсіруші жігіт.

Енді Қонысбай Тәжібаевтың құрт өсіру ісін кеңейтпек ойы бар. Өйткені оған балықшылардан сұраныс артып отыр. Құрт өсіруге қажетті кү­бірдің бір қапшығын 500 теңгеден сатып алады.

 

Атырау облысы