Еске салсақ, 23 ақпанда Шавкат Мирзиеев Қарақалпақстан Республикасындағы өңірлердің жағдайымен және халықтың өмірімен танысу үшін барған.
«Бұл сапардың алдыңғы сапарларынан айырмашылығы, осы сапар алғаш рет үш күнге созылған. Арал өңірін дамытуға күш біріктіру үшін Қарақалпақстанның әрбір ауданы бір облысқа бекітілген» деп жазылған баспасөз қызметінің хабарламасында.
24 ақпанда Мемлекет басшысы Нүкүсте инвестициялық жобалар орталығының қызметімен танысты. Орталыққа өнеркәсіптің жетекші салаларының өкілдері бекітілген. Президентке Қарақалпақстан үшін жоспарланған салалық жобалар туралы ақпарат ұсынылды.
Сонымен қатар, Арал өңірін бірлесіп дамыту үшін облыстардың хокимияттары тартылды. Олар Қарақалпақстанның әрбір ауданы бойынша жобалар әзірледі. Орталықта осы жоспарлардың тұсаукесері өтті.
Осымен Шавкат Мирзиеев Қарақалпақстан Республикасына сапарын аяқтап, Ташкентке келді.
