JasProKrg боты құрылды

 

Қарағанды облыстық Жастар сая­саты жөніндегі басқарма басшы­сы Біржан Әлімжанов аталған бот­тың ай сайын жаңа ақпаратпен то­лық­тырылып отыратынын айтады.

– Жастар үшін ақпараттың не­гізгі көзі әлеуметтік желілер екені рас. Кө­бінесе олардың қыз­меті жа­рия­ланым­дармен және түсі­нік­теме­лерде хат алмасумен шектеледі. Жас­тарға түр­лі бағыттар бойынша ақпа­раттың қол­жетімділігін қам­тама­сыз ету үшін өткен жылдың көк­темінде бот құ­рылды. Оның көп­теген мүмкіндігі бар. Олардың қата­рында облыс бойынша жастар ресурс­тық орталықтарының байла­ныс деректерін ұсыну қызметі де бар, – дейді ол.

JasProKrg ботын пайдаланушы­лар бастапқы мәзірден өздерін қы­зық­тырған бөлімге өтіп, толығырақ ақпа­рат ала алады. Қазіргі уақытта бот во­лон­терлік қозғалысқа қо­сылуға мүм­кін­дік береді. Жастар өзде­рінің ерік­ті ұйымын тіркей алады немесе бұрын­нан бар ұйымға қосыла алады.

Сонымен қатар осы жерде қан­дай да бір іс-шараны өткізу үшін коворкинг-орталыққа өтінім қал­дыруға да болады.

Басқарманың барлық ірі жобалары туралы ақпарат та жалпыға ортақ ұсынылып, онымен танысу үшін ың­ғайлы орналастырылған. Олардың арасында Қарағанды облысы әкімінің гранттары да бар.

Б.Әлімжанов боттың негізгі қыз­меті жұмысқа орналастыру туралы бөлім екенін айтады. «Жастар практикасы», «Дипломмен – ауыл­ға!», «Алғашқы жұмыс орны», «Жа­сыл ел», «Қоғамдық жұмыстар» бағ­дарламалары жастарға уақытша да, тұрақты да жұмыс табуға мүм­кіндік береді.

Боттың басты артықшылығы – оны пайдалану оңай, әрі мобильді және жұмыс үстелінің барлық платформасында қолжетімді.

Бұдан бөлек Telegram-да JasPro­Krg_chat та құрылды. Онда жас­тар өздерін тол­ғандырған сұрақ­­тарды қойып, ма­ман­дардың толық­қанды жауабын ала алады.

 

Қарағанды облысы