Кездесуде ДДҰ-ның Алматыдағы МСАК жөніндегі кеңсесінің қызметін жандандыру және медициналық-санитарлық алғашқы көмек туралы Астана декларациясын, сондай-ақ БҰҰ Бас Ассамблеясы деңгейінде ілгерілету жөніндегі жоспарлар талқыланды.
Денсаулық сақтау министрлігінің басшысы декларацияда медициналық-санитарлық алғашқы көмек Денсаулық сақтау қызметтерімен жаппай қамтуға және тұрақты даму саласындағы денсаулыққа байланысты мақсаттарға қол жеткізу үшін қажетті тұрақты Денсаулық сақтау жүйесінің іргетасы болып айқындалғанын атап өтті.
«Осыған байланысты біз денсаулық сақтау саласының екі маңызды терминін, медициналық-санитарлық алғашқы көмекті және денсаулық сақтау қызметтерімен жаппай қамтуды біріктіруді, 2023 жылы БҰҰ Бас Ассамблеясы барысында денсаулық сақтау қызметтерімен жаппай қамту бойынша жоғары деңгейдегі отырыс қарсаңында БҰҰ деңгейінде денсаулық сақтаудың бірлескен күн тәртібін ілгерілетуді жалғастыруды ұсынамыз», деді А.Ғиният.
Бұл бастама 2022 жылы БҰҰ Бас Ассамблеясы деңгейінде «Медициналық-санитарлық алғашқы көмекті күшейту арқылы денсаулық сақтау қызметтерімен жаппай қамтуға қол жеткізу» тақырыбына сайд-ивент ұйымдастыруды және өткізуді қамтиды.
Сондай-ақ тараптар Қазақстандағы МСАК дамыту мәселелері бойынша ынтымақтастықты, қазақстандық медицина мамандарына оқыту жүргізуді, сонымен қатар елімізде МСАК қолжетімділігі мен тиімділігін бағалау бойынша индикаторларды әзірлеуді талқылады.
Денсаулық сақтау министрі ДДҰ-ның МСАК жөніндегі Еуропалық орталығы кеңсесінің басшысына өзара іс-қимылды жандандырғаны үшін алғыс айтып, қазақстандық МСАК мамандарын одан әрі табысты оқытуды жалғастыруға және МСАК мәселелерінде, оның ішінде ауылдық деңгейде де техникалық және сараптамалық қолдау көрсетуге мүдделілік білдірді.
Сонымен қатар кездесу барысында ДДҰ Еуропалық бюросының директоры Ханс Клюгенің биылғы наурыз айында Қазақстанға сапарын ұйымдастыру мәселесі пысықталды. Бұл сапардың маңызды аспектісі – 2022-2023 жылдарға арналған ынтымақтастық туралы екі жылдық келісімге қол қою.
