Қоғам • 05 Наурыз, 2022

Қаңтар трагедиясы: Қаза тапқан әскерилердің отбасына 451 миллион теңге берілді

619 рет

көрсетілді

1 мин

оқу үшін

«Қазақстан халқына» қоғамдық қоры қаңтар оқиғасы кезінде қаза тапқан ІІМ, Ұлттық қауіпсіздік комитеті қызметшілері және Қорғаныс министрлігі мен Республикалық ұланның әскери қызметшілеріне және ауыр жарақат алған 106 қызметкердің отбасы мүшелеріне көмек ретінде материалдық төлемдерді бастады, деп хабарлайды Egemen.kz қор сайтына сілтеме жасап.

Гауһар ҚАПАШ

Қаңтар трагедиясы: Қаза тапқан әскерилердің отбасына 451 миллион теңге берілді

Төлемдер мемлекеттік органдардан алынған ресми тізімдер негізінде жүзеге асырылады. Бұл санаттағы жәбірленушілерге арналған төлемнің жалпы сомасы - 451 миллион теңге.

Еске салайық, бұған дейін Қамқоршылық кеңес Қор басқармасына қаза тапқан және ауыр жараланған әскери қызметкерлердің отбасыларына, ішкі істер және ұлттық қауіпсіздік органдары қызметкерлеріне белгіленген сомаларды төлеуді тапсырған болатын. Сондай-ақ, кеңеске адам құқықтары және бала құқықтары жөніндегі уәкілдердің қорға ұсынған тізімдерінен кездейсоқ зардап шеккен азаматтардың өлімінің мән-жайын құзырлы органдармен бірлесіп пысықтау тапсырылды.

Қор уәкілетті мемлекеттік органдардан тиісті ресми мәліметтер алғаннан кейін осы санаттағы қаза болғандардың туыстарына төлемдерді жүргізуді бастайды.