Астананың «Барыс» Кубок жолынан шығып қалды

Бүгін, 29 наурыз күні Астананың «Барысы» Уфаның «Салават Юлаев» командасымен Құрлықтық хоккей лигасы плей-офф сериясының екінші раундындағы алтыншы матчында 2:3 есебімен ұтылып, Гагарин кубогы жолындағы жарыстан шығып қалды. Бұл туралы ras.kz хабарлады. Уфа қаласында өткен кездесуде алаң иелері бірінші болып есеп ашты. Оны оынның 4-минутында Иван Вишневский түсірді. Бірақ 13-минутта Констанин Руденко мен Николай Антроповтан пас алған Евгений Блохин таразы басын теңестірді. Матчтың екінші кезеңінде хоккейшілер шайба соға алған жоқ. Ал үшінші кезеңде екі қақпаға оның үшеуі бірден түсті. Алдымен 43-минутта уфалық Игорь Мирнов өз командасын осы ойында екінші рет алға шығарды. 52-минутта Антон Слепышевтің күш салуымен есеп 3:1 болды. Қонақтарда осыдан кейін соңғы шайбаны салудың орай келді. Оны 57-минутта Найджел Доус өз есебіне жазды. Осылайша сериядағы жалпы есеп 4:2-ге жетті. Бұл «Салават Юлаевтың» алға шыққанын айғақтап берді. Дамир Қожамқұл. Дереккөз: ras.kz. Фото: Vesti.kz.