![Елорда маңына қатынайтын 3 жолаушылар автобусының қозғалысы тоқтатылды](/media/2022/03/14/crop-0_11_528x900_1c2cdbe09290d7ac2deb4aeeb2e6a0e1_xl.jpg)
«Сағат 12:00-ге өзекті ақпарат: ауа райының нашарлауына және тасжолдардың жабылуына байланысты қала маңына қатынайтын № 310, 315 және 317-інші бағдарлардың қозғалысы уақытша тоқтатылды. Қала маңына қатынайтын басқа бағдарлар желіде», - делінген City Transportation Systems компаниясы таратқан хабарламада.
Еске салайық, кеше ауа райы жағдайына қатысты елорда іргесіндегі елді мекендерге қатынайтын № 315 және 316-ыншы автобустардың қозғалысына уақытша тыйым салынған болатын.
Синоптиктер 13 наурызда Ақмола облысының оңтүстік жартысында жаяу бұрқасын болатынын, шығыстан, солтүстік-шығыстан жел соғып, оның күші 15-20 м/с жететінін ескерткен болатын.
Нұр-Сұлтан қаласында, сондай-ақ жаяу бұрқасын, 15-20 м/с екпінде жел күтіледі.