Америкалық дипломатпен кездесті

Сыртқы істер министрі Ерлан Ыдырысов АҚШ Мемлекеттік хатшысының Оңтүстік және Орталық Азия бойынша көмекшісі Ниша Десаи Бисвалмен оның Қазақстанға сапары аясында кездесті. Кездесу барысында тарап­тар Қазақстан Президенті Н.На­зарбаев пен АҚШ Президенті Б.Обаманың Ядролық қауіп­сіздік саммиті шеңберінде (Гаага, 24-25 наурыз) өткізген келіссөз­дерінің қорытындыларын тал­қыға салып, Қазақстан мен АҚШ ара­сындағы саяси және эко­номи­калық ынтымақтастықтың қа­зіргі жағдайы мен болашағын қа­рас­тырды. Тараптар екі елдің сыртқы саясат ведомстволары басшылары Е.Ыдырысов пен Дж.Керри тең төрағалық ететін Стратегиялық әріптестік жөніндегі комиссияның жұмысын қанағаттана атап өтті. Сауда және инвестиция саласы келіссөздердің маңызды тақырыбына айналды. Е.Ыдырысов біздің мемлекетіміздің америкалық компаниялардың Қазақстанның индустриялық-инновациялық бағ­дарламасына белсенді қатысуына мүд­делі деген Елбасы сөзін қа­перге сал­ды. Сонымен қатар, ол аме­­ри­калық ком­панияларды ЭКСПО-2017 көр­месіне қатысуға шақырды. 1993 жылдан бері қазақстандық экономикаға құйылған америкалық инвестицияның көлемі 25 млрд. АҚШ долларын құрады. Біздің елімізде экономиканың негізгі секторларында 300-ден аса бірлескен кәсіпорындар жұмыс істейді. 2013 жылы Қазақстан мен АҚШ арасындағы тауар айналымы 2,75 млрд. АҚШ долларын құрап, 2012 жылғы көрсеткішпен салыстырғанда 9%-ға артты. Келіссөздер нәтижесінде тараптар Қазақстан мен АҚШ ара­сындағы стратегиялық әріптес­тікті әрі қарай кеңейту мен терең­дету қажеттілігі туралы өзара тү­сі­ністікке келді. Сондай-ақ, Н.Бис­валдың Астанада Л.Н.Гумилев атын­­дағы Еуразия ұлттық уни­вер­­­ситетінде сөз сөйлеуі жос­парланған. Америкалық дипломаттың сапары бүгін Алматыда жалға­сатын болады. «Егемен-ақпарат».