Әуежайдың баспасөз хатшысы Әнуар Шалекенов әуе айлағының қатты жел мен жолдың дұрыс көрінбеуі себебімен жабылғанын айтты.
Жолаушыларға ұшақтардың ұшып шығуы, қонуы, кешігулер туралы өзекті ақпаратты әуе айлақтарының ақпараттық қызметінен және әуе компаниялардың call-орталықтарынан білу ұсынылады.
Еске сала кетейік, елордада сағат 19:00-ден 23:00-ге дейін ауа райына байланысты ескерту жарияланып, желдің жылдамдығы 260/20 м/с дейін, ал екпіні 25 м/с дейін күшейіп, қалың қар жауады.
Бұған дейін Алматы халықаралық әуежайында қатты жел ұшақты орнынан қозғап жібергені хабарланған болатын.
