Ынтымақтастық жолдары талқыланды

«Нұр Отан» партиясының Орталық аппаратында «Нұр Отан» партиясының хатшысы Құмар Ақсақалов Қазақстан Республикасы Білім және ғылым қызметкерлері кәсіп­ода­ғының жастарымен кездесті. Барлық қоғамдық ұйымдарды және олар­дың мүмкіндіктерін біріктіру «Нұр Отан» пар­тия­сының басты міндеттерінің біріне айналуына байланысты кездесу қатысушылары ынты­мақ­тастықтың барлық мүмкін жолдарын талқылады. Қазақстан Республикасы Білім және ғылым қызметкерлері кәсіподағының төрайымы Майра Амантайқызы мен «Қазақстан Республикасы Білім және ғылым қызметкерлері кәсіподағы» ЗТБ Жастар кеңесінің төрағасы Батыр Әлиев өз ұсыныстарын жасады. Қ.Ақсақалов: «Алдымызда «2050» Стратегия­сында көрсетілген міндеттерді орындау үшін қо­ғамды біріктіру міндеті тұр. Кәсіподақпен бірлесіп жұмыс жасауды жаңа деңгейге көтеру керек. Елі­мізде болып жатқан түпкілікті өзгерістер, кәсіп­одақтардың еліміздегі қоғамдық-саяси және әлеу­меттік-экономикалық өзгерістерге жауап қайтара білуі керек екендігін дәлелдеді», деді. Кездесу қорытындысы бойынша қаты­су­шылар өзара ынты­мақ­тастық туралы меморандум жасасты. «Егемен-ақпарат».