Елордадағы Ұлттық академиялық кітапханада айтыс ақындары мен жыршы-термешілердің халықаралық одағының ұйымдастыруымен «Қазақстан айтыс ақындары» атты анықтамалық кітаптың, Дәулеткерей Кәпұлының «Шертолғақ» атты айтыстар жинағы мен Айтбай Жұмағұловтың «Қазақ әдебиетінің дәуірлеу тарихы» атты ғылыми еңбектің тұсаукесері өтті.
Ақын, «Дарын» мемлекеттік жастар сыйлығының лауреаты Дәулеткерей Кәпұлының «Шертолғақ» жинағы – айтыс алаңындағы жемісті де жеңісті жылдарының нәтижелі бір қорытындысы екен. Танымал жыр жүйріктерімен сөз сайыстыра топтастырылған бұл туындыдағы ана тіліміздің ғажайып мүмкіндігі мен байлығын паш еткен келісті де көркемсөз кестелері, орынды теңеулер мен сурет-бояулар, қоғамдағы сан алуан көкейкесті мәселелерге қатысты салмақты пікір, салиқалы ойлар кім-кімді де бейжай қалдырмайды. Айтыскер ақын, филология ғылымдарының кандидаты Айтбай Жұмағұловтың «Қазақ әдебиетінің дәуірлеу тарихы» монографиясында ұлттық әдебиеттанудағы қазақ әдебиетінің тарихын дәуірлеудің бір ғасырға жуық ғылыми тәжірибелері талданып, дәуірлеудің хронологиялық принциптерінің ғылыми және әдіснамалық негіздері қарастырылыпты.
Ал «Қазақстан айтыс ақындары» атты жинақта республиканың барлық аймақтарындағы айтыс өнеріне еңбек сіңіріп, төл өнеріміздің дамуына айтарлықтай үлес қосқан ардагер ақындардан бастап, буыны бекіп келе жатқан жас айтыскерлерге дейін мәліметтер топтастырылыпты. Айтыскерлердің қысқаша өмірбаяны мен айтыста ел аузында қалған ұтқыр ойлы бірер шумақтар да жарияланыпты.
Айтыс ақындарының жетекшісі, ақын Жүрсін Ерман жүргізген басқосуда филология ғылымдарының докторлары Мырзатай Жолдасбеков, Намазалы Омашев, Тұрсын Жұртбаев, жазушы Әлібек Асқар және айтыскер ақындар мен ғалымдар тұсауы кесіліп отырған кітаптарға байланысты сөз қозғап, жалпы айтыс өнері жөнінде де ой-пікірлерін ортаға салды.
Берік САДЫР,
«Егемен Қазақстан».
Ақын, «Дарын» мемлекеттік жастар сыйлығының лауреаты Дәулеткерей Кәпұлының «Шертолғақ» жинағы – айтыс алаңындағы жемісті де жеңісті жылдарының нәтижелі бір қорытындысы екен. Танымал жыр жүйріктерімен сөз сайыстыра топтастырылған бұл туындыдағы ана тіліміздің ғажайып мүмкіндігі мен байлығын паш еткен келісті де көркемсөз кестелері, орынды теңеулер мен сурет-бояулар, қоғамдағы сан алуан көкейкесті мәселелерге қатысты салмақты пікір, салиқалы ойлар кім-кімді де бейжай қалдырмайды. Айтыскер ақын, филология ғылымдарының кандидаты Айтбай Жұмағұловтың «Қазақ әдебиетінің дәуірлеу тарихы» монографиясында ұлттық әдебиеттанудағы қазақ әдебиетінің тарихын дәуірлеудің бір ғасырға жуық ғылыми тәжірибелері талданып, дәуірлеудің хронологиялық принциптерінің ғылыми және әдіснамалық негіздері қарастырылыпты.
Ал «Қазақстан айтыс ақындары» атты жинақта республиканың барлық аймақтарындағы айтыс өнеріне еңбек сіңіріп, төл өнеріміздің дамуына айтарлықтай үлес қосқан ардагер ақындардан бастап, буыны бекіп келе жатқан жас айтыскерлерге дейін мәліметтер топтастырылыпты. Айтыскерлердің қысқаша өмірбаяны мен айтыста ел аузында қалған ұтқыр ойлы бірер шумақтар да жарияланыпты.
Айтыс ақындарының жетекшісі, ақын Жүрсін Ерман жүргізген басқосуда филология ғылымдарының докторлары Мырзатай Жолдасбеков, Намазалы Омашев, Тұрсын Жұртбаев, жазушы Әлібек Асқар және айтыскер ақындар мен ғалымдар тұсауы кесіліп отырған кітаптарға байланысты сөз қозғап, жалпы айтыс өнері жөнінде де ой-пікірлерін ортаға салды.
Берік САДЫР,
«Егемен Қазақстан».
