Еліміздің жекелеген аймағында қар көшкіні болуы мүмкін

Республикамыздың жекелеген аймағында қар көшкіні болуы мүмкін. Бұл туралы «Қазгидромет» мекемесі хабарлады. Дәл қазір бізге келіп түскен дерек көзінде Астана қаласы мен Ақмола облысы төңірегінде қатты жел болуы ықтимал екені туралы жазылған. Нақты айтқанда, биылғы сәуір айының 7-9 аралығында Ақмола облысында оңтүстік-шығыстан соққан желдің екпіні секундына 23-28 метрге дейін жетуі мүмкін. Осы мерзім аралығында Астана қаласында оңтүстік-шығыстан соғатын желдің жылдамдығы секундына 15-20 метрге дейін болжанып отыр. Айта кетейік, бұдан бұрын да еліміздің 3 облысында – Алматы, Оңтүстік Қазақстан және Шығыс Қазақстан облыстарында желдің екпіні күшейетіні туралы айтылған-ды. Енді сәуір айының  6-7 аралығында осы аймақтарда қар көшкіні болады деген болжам жасалды. Әмірхан Алмағанбетов. Дереккөз: «Қазгидромет» Фото: Altaynews.kz.