Шымкенттен елордаға бағыт алған ұшақ Астана әуежайына апатты жағдайда қонды

Оңтүстік Қазақстан облысының Шымкент қаласынан елордаға бағыт алған «СКАТ» әуекомпаниясына тиесілі «Боинг-737» ұшағы апатты жағдайда Астана әуежайына қонды. Бұл туралы «Астана» телеарнасы хабарлады. «Шымкент-Астана» бағытына қатынайтын «Боинг-737» ұшағы елордаға таңғы сағат 9: 25-те қонуы тиіс болатын. Алайда, техникалық ақауға байланысты 1 сағат 23 минөтке кешігіп қонды. Осыған байланысты, 2 сағатқа жуық әуежай өзге ұшақтарды қабылдаған жоқ. Апатты жағдайда қонған ұшақтың бортында 5 экипаж мүшесі мен 89 жолаушы болған. Абырой болғанда, барлығы дін аман. Қазір осы іске қатысты тергеу басталып кетті. «Службы аэропорта были приведены в готовность. Посадочную полосу покрыли пеной для предотвращения пожара. После получения сообщения о чрезвычайной ситуации в аэропорт прибыли семь единиц пожарной техники и пять машин «скорой помощи»,-дейді «Астана» халықаралық әуежайы» АҚ маркетинг бөлімінің бастығы Людмила Копейчук. Әмірхан Алмағанбетов. Дереккөз: «Астана» телеарнасы. Фото: «Астана» телеарнасы.