Ширек финалда отандастарымыздың жолы Аустралия құрамасымен қиысты. Айя Нұпбай мен Асылжан Арыстанбекова жекелей сында қарсыластарына есе жіберді. Жұптық сында жеңіліп жатқан аустралиялықтар бәсекені жалғастырудан бас тартты. Соған қарамастан, олар 2:1 есебімен жеңіске жетті. Енді қыздарымыз Өзбекстан құрама командасымен бесінші орын үшін таласады. Сондай-ақ дәл осы қалада 16 жасқа дейінгілер арасында Дэвис кубогының іріктеу сайыстары басталды. Бұл бәсекелерде Қазақстан намысын Данир Қалдыбеков, Әмір Оралханов және Виталий Зацепин қорғауда.
Ал АҚШ-тың Чарльстон қаласында жалауы желбіреген жарыста Қазақстанның ең таңдаулы екі теннисшісі екінші кезеңде сүрінді. Елена Рыбакина украиналық Ангелина Калининадан ұтылды – 4:6, 6:2, 4:6. Юлия Путинцева америкалық Аманда Анисимовадан айласын асыра алмады – 1:6, 2:6.
