![Ақтөбелік оқушы жасөспірімді қорқытып несие алдырған](/media/2022/04/13/78d1fdd7ec454e4f989d9d0b475ce2cc.jpeg)
Фото: zakon.kz
Полицияның хабарлауынша, 4 сәуірде полиция бөліміне 17 жасар колледж студентінің ата-анасы көмекке жүгінген. Олар бейтаныс жасөспірім ұлын қорқытып-үркітіп несие алдырғанын айтқан.
Полицейлер жергілікті мектептердің бірінен 11 сынып оқушысын ұстады. Күдікті өз кінәсін мойындады.
ҚР Қылмыстық кодекстің 191-бабы 2-бөлігі (тонау) бойынша сотқа дейінгі тергеу қолға алынды. Бұл баптың санкциясы айыптының мүлкін тәркілей отырып, жеті жылға дейінгі мерзімге бас бостандығын шектеу түріндегі жазаны көздейді.