Атап айтқанда, заң жобасына келесі түзетулер енгізілген:
- Алаяқтық, қаржы пирамидаларын құру, монополистік қызмет, экономикалық контрабанда, кедендік баждарды төлеуден жалтару, мемлекеттік шекараны заңсыз кесіп өту және қорғау ережелерін бұзу, заңсыз көші-қонды ұйымдастыру үшін қылмыстық жауапкершілікті күшейту;
- ҚАЖ мекемелерінде, тергеу изоляторларында, УҰИ-да ұсталатын адамдардың ұялы байланыс құралдарын заңсыз бергені және пайдаланғаны үшін қылмыстық жауаптылық енгізу;
- Жазаның жекелеген түрлерін тағайындау және орындау тәртібін жетілдіру (қылмыстық қамауға алу ұғымын оны өтеу шарттарын жеңілдете отырып түзету);
- ҚІБ мәселелері бойынша тәуелсіз қоғамдық комиссиялар құру;
- Соттардан бірқатар өкілеттіктерді прокуратура органдарына бере отырып, жекелеген іс жүргізу және тергеу әрекеттерін санкциялау тәртібін жетілдіру;
- Қорғау тарапына қорғау актісі түрінде сотқа шоғырландырылған іс жүргізу құжатын беру құқығын беру;
- Тергеу әрекеттерін бейнетіркеудің іс жүргізу маңыздылығын кеңейту;
- Сотталғандармен ынтымақтастық туралы процестік келісім институтын жетілдіру;
- Сотқа дейінгі тергеп-тексеру нысандары мен рәсімдерін, оның ішінде сотқа дейінгі тергеп-тексеру органы шығаратын процестік шешімдердің санын қысқарта отырып оңтайландыру.
Бұл үшін Бюджет кодексіне, Қылмыстық кодекске, Қылмыстық іс жүргізу кодексіне, Қылмыстық-атқару кодексіне, «Қазақстан Республикасындағы банктер және банк қызметі туралы», «Адамдарды қоғамнан уақытша оқшаулауды қамтамасыз ететін арнаулы мекемелерде, арнаулы үй-жайларда ұстау тәртібі мен шарттары туралы», «Қазақстан Республикасындағы банктер және банк қызметі туралы» заңдарға түзетулер енгізу қажет.
Заң жобасы жария талқылау үшін 28 сәуірге дейін Ашық НҚА сайтында орналастырылған.
