Футбол • 19 Сәуір, 2022

«Каспий» қайта көш бастады

280 рет
көрсетілді
1 мин
оқу үшін

Өткен демалыс күндері еліміздің алты қаласында футболдан Қазақстан чемпионатының алтыншы тур ойындары өтті.

«Каспий» қайта көш бастады

Турдың орталық ойынында кейінгі екі жылдағы ел чемпиондары – «Тобыл» мен «Қайрат» клубтары кездесіп, аса тартысты өткен бәсекеде командалар тең түсті – 2:2. Екінші таймда «Тобыл» 2:1 есебімен алға шыққанымен, матч соңына дейін жеңісті уысында ұстап тұра алмады. Кездесудің 99-минутында алматылықтар таразы басын теңестіріп кетті. Екі көшбасшы команда ұпай бөліскенін тиімді пайдаланған «Каспий» өз алаңында «Атырауды» жеңіп, турнир кес­тесінде 13 ұпаймен жеке-дара көш бастады.

Сонымен қатар бұл турда биылғы чем­пионаттың дебютанттары –«Мақтаарал» мен «Ақсу» клубтары Түркістанда жолығып, алғашқысы чемпионаттағы тұңғыш жеңісіне қол жеткізді – 2:1. Ал елорданың «Ас­танасы» сырт алаңда «Ақжайықтан» жеңі­ліп, турдың сенсациясын тіркеді – 1:0. Қал­ған ойындардың нәтижесі: «Тараз» – «Шахтер» – 2:1, «Тұран» – «Ордабасы» – 0:0, «Қы­зылжар» – «Ақтөбе» – 1:1.

Ертең басталатын VII турда «Астана» – «Каспий», «Атырау» – «Тобыл», «Орда­басы» – «Қызылжар», «Қайрат» – «Тұран», «Шахтер» – «Ақжайық», «Ақтөбе» – «Мақта­­арал» және «Ақсу» – «Тараз» клубтары кез­деседі.