Спорт • 25 Сәуір, 2022

Атыраулық парадзюдошы Гран При сайысының жеңімпазы атанды

1454 рет
көрсетілді
1 мин
оқу үшін

Түркияда өткен Гран При сайысының ақтық сынында атыраулық екі парадзюдошы бақ сынады, деп хабарлайды Egemen.kz.

Атыраулық парадзюдошы Гран При сайысының жеңімпазы атанды

Облыстық спорт және дене шынықтыру басқармасының баспасөз қызметінен мәлім еткендей, 22-24 сәуірде Түркияның Анталия қаласында парадзюдодан Гран При сайысы өтті.

«Әлемнің 19 елінің парадзюдошылары қатысқан сайыста қазақстандық спортшылар 1 алтын, 1 күміс, 2 қола жүлдеге ие болды. Аталған сайыстың J2 санатында 90 келі салмақта атыраулық Аманжол Жанбота Гран При сайысының жеңімпазы атанды. Ол ақтық сында тағы бір атыраулық спортшы Ғалымжан Смағұлұлын ұтты», деп мәлім етті басқарманың баспасөз қызметінен.