Бұл жолы армрестлингтен жастар, ересектер және ардагерлер арасындағы Азия чемпионаты 24-30 сәуірде Өзбекстанның Самарқанд қаласында өтіп жатыр. Оған 14 елден 500-ге жуық спортшы қатысып, кіл мықтыдан ең мықтыны анықтамақ. Құрлық додасына қатысқан атыраулық ардагер спортшылар жоғары нәтиже көрсетіп, ел абыройын асқақтатты.
Кеше әйелдер арасында қол күрестірген Алмагүл Қанатова 80 кило, Рахия Молдашева 80 килодан жоғары салмақта Азия чемпионы атанды. Ал Константин Тарабрин 70 килода күміс медальді иеленді.
