Бірінші және ең бастысы, бұл этносаралық келісімді нығайту жөніндегі жұмыс. Біздің бірлігіміз – әралуандылықта. Жалпыұлттық құндылықтар қашанда алдыңғы қатарға шығады. Біз Ассамблеяға қатысты айтылған сын туралы білеміз. Ол бірде әділ айтылып, онымен келісеміз. Бірақ, айта кетерлік жайт, көп нәрсе PR үшін жасалмайды. Бүгінде Ассамблея күрделі сынақтан өтті деп сеніммен айта аламын. Этномәдени бірлестіктердің мыңдаған көшбасшысы мен медиаторы қиын сәттерде халықпен жұмыс істеп, жанжалдардың алдын алуға тырысады, сындарлы диалог жүргізеді. Халықтың даналығы ең қиын кездерде білінеді. Этносаралық қатынастар саласының нәзік және шектен шығуы оңай екенін бәріміз де білеміз. Дегенмен Қазақстанда этносаралық қақтығыстар жоқ екенін атап өтуім керек. Елдің мызғымас шекарасы бар. Біз өзімізді тәуелсіз Қазақстаннан тыс елестете алмаймыз. Кейбір арандатушылар күнделікті жанжалдарды пайдакүнемдік мақсатта пайдаланады. Бұл ретте Ассамблеяның әдеттегі қарапайымдылығы мүлдем орынсыз деп санаймын. Мұны түзетуіміз керек.
Жұмыстардың тағы бір белсенді бөлігі – халықтың әлеуметтік осал топтарын қолдау. 2021 жылдан бастап осы күнге дейін 150 мыңнан астам азаматқа 1,3 млрд теңгеден астам сомаға көмек көрсетілді. Бұған шамамен 13 мың адамнан тұратын Аналар кеңесі көмектесті. Бұл бағыттағы жұмыс Президенттің бастамасымен құрылған «Қазақстан халқына» қорының маңыздылығы мен өзектілігін көрсетеді.
Үшінші бағыт – бүгінде еліміз үшін аса қажетті прогрессивті реформаларды қоғамдық қолдау. Әрбір этноорталық бір мақсатпен біріктірілген азаматтар қауымдастығы болып саналады. Біз өзіміздің тарихи тамырымызды тұрақты әрі гүлденген Қазақстанда ғана сақтап қалуға болатынын түсінеміз. Сондықтан, ең алдымен, ел бірлігіне қамқорлық жасауымыз керек. Жақында 200-ден астам кәсіпкер қатысқан ҚХА Кәсіпкерлер қауымдастығының жиналысында барлығы тарихи шығу тегі бар елдердің серіктестерімен бірлескен кәсіпорындарды дамыту жөніндегі ұсынысты қолдады. Атап айтқанда, корейлер қауымдастығында жаңа технологияларды тарту бойынша Оңтүстік Кореямен жұмыс істейтін «Инвестикс» компаниясы құрылды. Ассамблеяда әлеуметтік маңызы бар халық жобаларын әзірлеуге көмектесетін жобалық кеңсе құруды ұсынамын. Қазір біз қоғамымыздың қалай жанданғанын, жаңа одақтар мен бірлестіктердің пайда болғанын көріп отырмыз. Бұл өте жақсы. Мемлекет азаматтардың белсенділігі мен жақсы өмірге деген ұмтылысын қолдайды. Нақты бағдарламалар бар. Әрқайсымыздың қасиетті міндетіміз – осы тағдырлы процеске өз үлесімізді қосу. Қай жерде жұмыс істесек те, этностық шығу тегіне қарамастан, бәріміз де Ұлы дала баласы, Қазақстан азаматтарымыз. Біз және біздің ұрпақтарымыз осында тұрады.
Жаңа Қазақстанды құруда алға қойылған мақсат саяси инновациялардың, азаматтық бастаманың және кәсіпкерлік энергияның синергиясын талап етеді. Сондықтан барлығыңызды сөзден іске көшіп, жаңа реформалар беретін мүмкіндікті пайдалануға шақырамын.
Сергей ОГАЙ,
Қазақстан корейлері қауымдастығының басшысы