Қазыбек Нөгербектің бөлек, әлем чемпионатында 18 жасқа дейінгі қыздар арасындағы жарыста сынға түскен 17 жастағы отандасымыз, әйелдер арасындағы халықаралық шебер Назерке Нұрғали да топ жарды. Ал 14 жасқа дейінгі ұлдар арасындағы рапид жарысында қола жүлдегер атанған Даниял Сәпенов блиц сайысында күміс жүлдеге қол жеткізді.
«Бүгін қазақстандық шахматшылар үшін айтулы күн. Грекиядағы әлем чемпионатында спортшыларымыз ел қоржынына үш алтын, бір күміс және бір қола медаль салды. Қазақстан шахмат федерациясының атынан шахматшыларымызды және олардың жаттықтырушыларын, ата-аналарын тамаша жетістіктерімен құттықтаймыз», деді Қазақстан шахмат федерациясының атқарушы директоры Әнуар Есмағамбетов.
