![Екібастұз МАЭС-1-дің бас директоры ауысты](/media/2022/05/05/crop-5_4_348x620_51ab6f7e2216c8e7077964ff1362422a.jpg)
«Самұрық-Энерго» АҚ Директорлар кеңесінің шешімі бойынша Б. Нұржанов атындағы Екібастұз МАЭС-1 бас директоры қызметіне Ержан Ертаев тағайындады.
Ол 1985 жылы Павлодар облысында дүниеге келген. 2008 жылы ИнЕУ-ді өнеркәсіптік жылу энергетикасы және 2012 жылы құқықтану мамандығы бойынша бітірген.
Еңбек жолын 2009 жылы «Павлодарлифт» ЖШС электромеханигі болып бастады, кейін облыстық энергетика және тұрғын үй-коммуналдық шаруашылық басқармасының бас маманы болды.
Әр жылдары Ержан Ертаев Қазақстан Республикасы Энергетика министрлігінің Атомдық және энергетикалық қадағалау мен бақылау комитетінде, комитеттің Ақмола және Қарағанды облыстары бойынша аумақтық департаменттерінде, Павлодар облысының энергетика және тұрғын үй-коммуналдық шаруашылық басқармасында басшылық қызметтерді атқарды.