Басымдықта – облыс орталығын және өңірдің ірі елді мекендерін «Батыс Еуропа-Батыс Қытай» автомобиль дәлізімен жалғайтын туристік бағыттағы жолдар.
Атап айтқанда, Түркістан-Шәуілдір жолының 35 шақырымы мен Кентау жағынан Түркістан қаласына кіре беріс жолдың 24 шақырымы қайта жөндеуден өтті. Сондай-ақ Шорнақ, Майдантал, Жүйнек және Қарнақты мекендерін облыс орталығымен жалғайтын 100 км-ге жөндеу жұмыстары жүргізіледі.
Келесі жылдың басында Төлеби ауданының Қасқасу және Бірқұлық елді мекендеріндегі туристік нысандарға баратын 18 км жол толық жөнделіп, пайдалануға беріледі. Түлкібас ауданында Келтемашат, Даубаба, Састөбе, Шұқырбұлақ және Майтөбе бағытында 69 км күрделі және орташа жөндеу жүргізіліп жатыр. Қазығұрт ауданында Тұрбат және Қақпақ ауылдық округтерін «БЕ-БҚ» көлік дәлізімен жалғайтын 39 км орташа жөндеу жүргізіліп жатыр», делінген хабарламада.
Бұдан басқа, Ордабасы ауданындағы «БЕ-БҚ» көлік дәліздерін Бадам, Шұбар, Қайнар, ұялы және Теспе елді мекендерімен байланыстыратын 53 км жолдың асфальт жабыны жаңартылуда.
Барлық жұмыс бекітілген Өндірістік-жұмыс кестесіне сәйкес жүргізіледі. Жұмыс сапасы «жол активтері сапасының ұлттық орталығы» РМК мен тапсырыс беруші – «Оңтүстік жолдар» МКК-ның тұрақты бақылауында.
Көрсетілген жұмыстардың нәтижесінде Түркістан облысында нормативтік жағдайдағы жергілікті маңызы бар автожолдардың үлесі 87-ден 92% - ға дейін өседі.
