Қоғам • 06 Мамыр, 2022

Референдум кезінде Ashyq қайта қолданылуы мүмкін

263 рет
көрсетілді
1 мин
оқу үшін

Қазақстандықтар 5 маусымда өтетін референдумда дауыс беру үшін Ashyq қосымшасын қайда пайдалануы мүмкін. Бұл туралы денсаулық сақтау вице-министрі Айжан Есмағамбетова айтты, деп хабарлайды Egemen.kz.

Референдум кезінде Ashyq қайта қолданылуы мүмкін

«Референдум 5 маусымда, яғни бір айдан кейін өткізілетінін ескере отырып, референдум өткізілетін күні коронавирус инфекциясының алдын алу шаралары мемлекеттік санитария дәрігерінің жеке қаулысында көрсетіледі және әр аймақтағы эпидемиологиялық жағдайға байланысты болады.

Эпидемиологиялық жағдай күрделенсе, аумақтық референдум комиссиясының мүшелерін вакцинация туралы құжаттық растамасы болса ғана сайлау учаскелеріне жіберуге бағытталған қосымша шаралар енгізіледі», деді Есмағамбетова Орталық сайлау комиссиясының отырысында.

Оның айтуынша, эпидемиологиялық жағдай асқынған жағдайда қолданылатын қосымша шараларға сайлау учаскелеріне кіреберісте Ashyq қосымшасын қолдану, сондай-ақ маска тағу режимін сақтау, дезинфекция құралдарын қолдану, әлеуметтік арақашықтықты сақтау кіреді.