Аймақтар • 11 Мамыр, 2022

Полицейлер жол қозғалысы ережелері бойынша емтихан тапсыруы мүмкін

18 рет көрсетілді

Ішкі істер министрінің бірінші орынбасары Марат Қожаев, ІІМ Әкімшілік полиция комитетінің төрағасы Атығай Арыстанов және Өзіндік қауіпсіздік департаментінің бастығы Арман Саданов Шымкент қаласы полиция департаментінің басшылығы және жеке құрамымен кездесті.

Мемлекет басшысы Қасым-Жомарт Тоқаевтың Жолдауында көрсетілген тапсырмаларға сәйкес, сервистік модель негізінде полиция қызметін қалыптастыру және дамыту жұмыстары үшінші мегаполисте қарқынды жүргізілуде. Жиын барысында Марат Қожаев құқық тәртібі саласындағы мәселелерді бірлесіп анықтау және шешу үшін ішкі істер органдары қызметкерлерінің азаматтармен тиімді әріптестік қарым-қатынас орнатуына назар аударды. Сондай-ақ, вице-министр сервистік полиция, ең алдымен, мемлекеттік орган жұмысының «қадамдық» қолжетімділігін, ашықтығы мен нәтижелілігін қамтамасыз етуге бағытталғанын атап өтті. Әкімшілік полиция комитетінің төрағасы полиция генерал-майоры Атығай Арыстанов жол қауіпсіздігін қамтамасыз ету жұмыстарына тоқталды. Бұл бағытта патрульдік полицейлер үшін жол қозғалысы ережелері бойынша емтихандарын өткізу ұсынылды, өйткені жүргізушілер тарапынан бұзушылықтарды анықтау үшін қызметкердің өзі осы ережелерді жақсы білуі керек. Сондай-ақ, Өзіндік қауіпсіздік департаментінің бастығы сервистік полиция моделін дамытуда полиция қатарындағы сыбайлас жемқорлыққа қарсы саясатқа да аса көңіл бөлінетінін айтты.

Полицияның сервистік модель бойынша қызмет көрсетуін кеңейту мақсатындағы жұмыс сапары барысында вице-министр қауіпсіздікті қамтамасыз етудің сервистік тәсілін енгізу жөніндегі қала әкімінің өкімімен құрылған полиция, әкімдік, прокуратура, білім және денсаулық сақтау басқармаларының қызметкерлерінен құрылған ведомствоаралық топтың мүшелерімен кездесті. Топ жетекшісі атқарылған жұмыстар туралы баяндама оқып, пилоттық жоба үшін бірінші аумақ ретінде «МЖК» және «Юбилейный» ықшам аудандары таңдалғанын айтты. Тұрғындармен 22 жұмыс кездесулері, сауалнамалар өткізілген. Жергілікті халықты толғандыратын мәселелер бар 3 мыңнан астам анонимді сауалнама жиналған. І.Жансүгіров көшесі бойында түрлі жұмысшылардың апаттық жағдайдың алдын алу мақсатында түсіндіру сұхбаты жүргізіліп, бос орындар жәрмеңкесі ұйымдастырылған. Есепте тұрғандармен жұмыс күшейтілген. Спортшылармен бірлесе «Нашақорлыққа жол жоқ!» науқаны өткізілген. Нәтижесінде пилоттық аумақта тіркелген қылмыстар саны 28%-ға азайған, криминогендік жағдайдың оң бағытта өзгергені байқалған.

Жұмыс сапары аясында министрдің орынбасары мен ІІМ бөліністерінің бастықтары, департаменттің жедел басқару, ахуалдық-аналитикалық орталықтарының жұмысымен танысты.

а

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар