Қаржы • 11 Мамыр, 2022

Қай салада заң бұзушылық көп?

59 рет көрсетілді

Наурыз айында Қаржы нарығын реттеу және дамыту агенттігі қаржы ұйымдарының, сондай-ақ микроқаржылық қызметті жүзеге асыратын ұйымдардың және коллекторлық агенттіктердің қызметіне байланысты жеке және заңды тұлғалардың 2 073 өтінішін қараған. Өтініштердің басым бөлігі банк секторының үлесіне тиесілі.

Банк секторына қатысты өтініштер жалпы келіп түскен өтініштердің 76 пайызын құрайды. Сонымен қатар өтініштердің 12 пайызы – микроқаржы ұйымдарына, 2 пайызы – сақтандыру компанияларына, 3 пайызы – коллекторлық агенттіктерге және 7 пайызы өзге ұйым­дарға байланысты.

Агенттік бүкіл өтініштерді қарастыра келіп, жалпы сомасы 9,3 млн теңгеге 45 хаттама бойынша 6 ұсынымдық қада­ғалап ден қою шараларын, 6 жазбаша ұйғарым және 15 әкімшілік жаза қолданған.

Даралап айтқанда, екінші деңгейдегі банктерге – 0,6 млн теңге сомаға әкім­шілік құқықбұзушылық туралы 1 хаттама бойынша 6 ұсынымдық қадаға­лап ден қою шарасы, 1 әкімшілік жаза, банк операцияларының жекелеген түрлерін жүзеге асыратын ұйымдарға – 0,1 млн теңге сомаға әкімшілік құқық бұзушылық туралы 1 хаттама бойынша 1 әкімшілік жаза, коллекторлық агент­тіктерге – жалпы сомасы 6,6 млн теңгеге әкімшілік құқық бұзушылықтар туралы 34 хаттама бойынша 9 әкімшілік жаза, микроқаржылық қызметті жүзеге асыратын ұйымдарға – жалпы сомасы 2,0 млн теңгеге әкімшілік құқықбұзушылық туралы 9 хаттама бойынша 6 жазбаша ұйғарым, 4 әкімшілік жаза қолданылады.

Сонымен қатар 2004-2009 жылдар аралығы кезеңінде ипотекалық қарыз­дар алған қарыз алушылардың жалғыз тұр­ғын үйін сақтауға бағытталған Ипотека­лық тұрғын үй қарыздарын (ипотека­лық қарыздарды) қайта қаржыландыру бағдарламасының бірінші бөлігінің шең­берінде банктер 2022 жылғы 1 нау­рыз­дағы жағдай бойынша 193,6 млрд теңге сомаға қайта қаржыландыруға 29 993 өтінімді мақұлдапты.

183,5 млрд теңге сомаға 29 063 қа­рыз қайта қаржыландырылды, оның ішін­де 2020 жылдан бастап 25,2 млрд теңге сомаға 2 413 қарыз қайта қаржы­ландырылған.

«Бағдарламаның екінші бөлігі шеңберінде банктер 2020 жылғы желтоқсанда 2016 жылғы 1 қаңтарға дейін берілген валюталық ипотекалық қарыздарды айырбастауды аяқтады. Бағдарламаның бірінші және екінші бөліктерін іске асыру кезеңінде банк­тер 222,6 млрд теңге сомаға 27 202 валюталық ипотекалық қарызды айыр­бастады. Бағдарламаның үшінші бөлі­гі шеңберінде банктер 2021 жылғы желтоқсанда ХӘОТ санаты бойынша қарыздары Бағдарлама шеңберінде бұрын қайта қаржыландырылған ипо­текалық қарыз алушыларға қарыз алу­шының берешегін азайту және өтеудің жеңілдікті кестелерін белгілеу түрін­дегі қосымша көмек көрсету, сон­дай-ақ банктің балансында тұрған жалғыз тұрғын үйді қарыз алушының меншігіне қайтару бойынша жұмысты аяқтады. Халықтың әлеуметтік осал топтары санатынан шамамен 8 мың қарыз алушыға 50,9 млрд теңге сомаға қосымша көмек көрсетілді», делінеді агенттік хабарламасында. 

Соңғы жаңалықтар

Күзде ауа райы қандай болады

Ауа райы • Бүгін, 13:33

16 тамызға арналған валюта бағамы

Экономика • Бүгін, 09:47

Ұқсас жаңалықтар