Теннис • 15 Мамыр, 2022

Андрей Голубев Рим мастерс турнирінің финалына шыға алмай қалды

14 рет көрсетілді

Қазақстанның жұптық сында бірінші, әлемнің 25-ракеткасы Андрей Голубев Рим мастерс турнирінің финалына шыға алмады, деп хабарлайды Egemen.kz.

Қазақстандық теннисші аргентиналық Максимо Гонсалеспен бірге жартылай финалда америкалық Джон Изнер – тағы бір аргентиналық Диего Шварцманмен күш сынасты.

Бірінші партияда америкалық-аргентиналық жұп бір брейкпен басымдылық танытты – 6:4.

Екіншісінде А.Голубев пен М.Гонсалес дәл сондай есеппен есе қайырды – 6:4.

Супер тай-брейкте Д.Изнер мен Д.Шварцман жеңісті жұлып алды – 11:9.

Осылайша, А.Голубев мастерс додаларында екінші рет жартылай финалға дейін жетті.

Америкалық-аргентиналық жұп финалда осы жарыстың 3-ракеткалары, хорватиялықтар Никола Мектич – Мате Павич немесе италиялықтар Симоне Болелли – Фабио Фоньини жұптарының қай жеңгенімен бас жүлдені сарапқа салады.

Соңғы жаңалықтар

Ұқсас жаңалықтар