Ауылдар қазақы атауға ие болды

Қазақ жеріне қарашекпендер ағыл­ған ХІХ ғасырдың соңы, ХХ ға­с­ырдың басында Батыс Қазақстан өлкесінің көп жері ономастикалық өзгеріске ұшы­раған еді. Еліміз тәуел­сіз­дік алып, тұ­ғы­­рымыз бекігелі тарихи әділеттілік қал­пына келуде. Жақында жергілікті ономастика комиссиясы халық пікірін ескеріп, «Қазақстан Республикасының әкім­шілік-аумақтық құрылысы туралы» Қазақстан Республикасы заңының 11-бабының 4-тармақшасына сәйкес қорытынды шығарған. Соған орай Батыс Қазақстан облысының әкімдігі қаулысымен, облыстық мәс­лихат де­путат­тарының шешімімен Бәйтерек және Теректі аудандарының біраз елді ме­кендері мен әкімшілік-аумақтық бір­лік­терінің атауы өзгерді.

Сонымен Бәйтерек ауданы бо­йын­ша Краснов ауылдық округі – Бей­­­бі­­т­­­шілік ауылдық округі, Краснов ауылдық округінің Погодаев ауылы –
Бейбітшілік ауылы, Краснов ауыл­дық округінің Котельников ауылы –
Сырым батыр ауылы, Железнов ауыл­дық округі – Атамекен ауылдық ок­ру­­гі, Железнов ауылдық округінің Ж­е­ле­знов ауылы – Атамекен ауылы, Же­­лезнов ауылдық округінің Но­венький ауылы – Қайнар ауылы, Че­бо­тарев ауылдық округі – Құр­ман­ғазы ауылдық округі, Чебо­тарев ауылдық ок­ругінің Чебо­тарев ауылы – Құр­ман­ғазы ауылы, Чеботарев ауыл­дық округінің Хамин ауылы – Аманат ауы­лы, Шалғай ауылдық округінің Кар­пово ауылы – Тыңдала ауылы деп ата­латын болды.

Ал Теректі ауданындағы Федоров­ка ауылдық округі – Теректі ауылдық окру­гіне, Федоровка ауылдық округі­нің Федоровка ауылы – Теректі ауылына айналды.

Осылайша, Батыс Қазақстан об­лы­­­сындағы барлық аудан атауы то­лы­­­ғымен қазақыланды. Қазақстан Республикасы Президенті Қасым-Жомарт Тоқаевтың 2019 жылғы 27 қыркүйектегі №19-32-20.357 тапсырмасына сәйкес ономастикалық атауларды ретке келтіру және идео­ло­гиялық тұрғыдан ескірген атау­ларды ұлттық танымға жақын атаулармен ауыс­тыру міндеті өңірде ретімен жү­зеге асуда.

Әрине ономастика саласында өңірде әлі кезең-кезеңімен атқаратын шаруа көп. Ендігі кезекте ауыл мек­теп­терінің атауларын ауыстыру, ірілі-ұсақты елді мекен атауларын өзгерту секілді мін­дет­тер тұр. Мы­са­лы, Бәйтерек ауда­ны­ның өзінде әлі осындай 40-қа жуық ауыл бар екен. Ақжайық, Бөрлі, Теректі аудандарында да осы бағытта атқаратын іс аз емес.

Батыс Қазақстан облысы