Аймақтар • 17 Мамыр, 2022

Алматыда субұрқақтар іске қосылады

30 рет көрсетілді

25 мамырға дейін мегаполистегі 60 коммуналдық субұрқақты іске қосу жоспарланған. Қазір оның 16-сы жұмыс істеп тұр, деп хабарлайды Egemen.kz.

Алматыда барлығы 128 субұрқақ бар. Оның 63-і қала меншігінде, ал 65-і жекенменшікте. Субұрқақтар сағат 09:00-ден 23:00-ге дейін жұмыс істейді. Кейінгі бес жылда 13 жаңа субұрқақ салынды. Алайда қаладағы субұрқақтардың басым бөлігі – 60-80-жылдары салынған. Оларды жөндеу, қалпына келтіру техникалық жағынан дұрыс жұмыс істеуіне көмектеседі.

Қазіргі ҚР Орталық мемлекеттік мұражайы жанындағы және ҚБТУ ғимаратының артында орналасқан «Северный» саябағындағы субұрқақ жөнделіп жатыр. Әуезов атындағы Қазақ ұлттық академиялық драма театры алдындағы фонтанның орталық тостағандарын ауыстырып, күрделі жөндеу жүргізу қажет.

Әр субұрқақта қауіпсіздікті сақтау мақсатында шомылуға болмайтыны туралы тақтайшалар орнатылған. Өйткені олардың конструкцияларының ішінде электр, суасты жарықтандыру құрылғылары, суасты сорғылар мен тағы басқа да жабдықтар бар.

Аяна Тоғанбек

 
 
Соңғы жаңалықтар

Жібектің жарқын жеңісі

Спорт • Бүгін, 08:37

Ұқсас жаңалықтар