Әлемнің 100 елінен 4 000-нан астам спортшы қатысқан жарыста жерлестеріміз жалпы саны 29 жүлде еншілеп, жалпыкомандалық есепте 13-орынға табан тіреді. Медаль көрсеткіші бойынша Украина спортшыларына тең келер қарсылас табылмады. Олар 138 (62 алтын, 38 күміс, 38 қола) медаль жиынтығын олжалап, турнир кестесінде топ жарды. Екінші орын алған АҚШ құрамасының қоржынында 55 (20, 11, 14) медаль бар болса, үшінші орындағы Иран спортшылары 40 (14, 12, 14) жүлде жеңіп алды.
Осыдан төрт жыл бұрын Самсунда (Түркия) өткен XXIII Сурдлимпиадада қазақстандық спортшылар 1 алтын, 1 күміс және 5 қола медальмен жалпыкомандалық есепте 25-орынға тұрақтаған еді. Айта кетейік, сурдлимпиадалық спорт түрлерін қолдау мақсатында мемлекет тарапынан берілетін қаржылай сыйақы мөлшері Олимпиада және Паралимпиадамен теңестірілген.
