Оқиға • 18 Мамыр, 2022

Щучинскіде базар өртенді

30 рет көрсетілді

Щучинскіде базардан шыққан алапат өрттен бір адам қаза тапты, деп хабарлайды Egemen.kz.

Облыстық ТЖД мәліметінше, бүгін, яғни 18 мамырда сағат 04-50-де Ақмола облысы Бурабай ауданының Щучинск қаласында «Жомарт» базарының бір қабатты жеке тұрған ғимараты өртеніп кетті. Өртті сөндіруге 97 өрт сөндіруші жіберілді.

«Өрттің жалпы аумағы 1700 шаршы метрді шарпыған. Ал ғимараттың жалпы ауданы 3000 шаршы метр болады. 45 минут ішінде өрт сөндірушілер өртті оқшаулап, жалынның таралуына жол бермеді. Осылайша, екі сағат ішінде өртті толығымен сөндірді.

Өрт сөндіру барысында ер адамның денесі табылды. Алдын ала болжам бойынша ол базардың күзетшісі болуы мүмкін», деп хабарлайды Ақмола облысы ТЖД баспасөз қызметі.

Қазіргі таңда анықтау жұмыстары жүргізіліп жатыр. Өрт орнында өрт-техникалық зертханасы, полицейлер жұмыс істеуде.

Қазіргі уақытта өрттің шығу себебі анықталып жатыр. Өртті сөндіруге ТЖД 97 қызметкері мен 25 техника, жергілікті атқарушы органдардың үш қызметкері мен үш техникасы жұмылдырылды.

 

Соңғы жаңалықтар

Алматы маңында жер сілкінді

Аймақтар • Бүгін, 16:42

Алматыда үшінші вокзал салынады

Аймақтар • Бүгін, 14:59

Доллар арзандады

Экономика • Бүгін, 14:08

Ұқсас жаңалықтар