Бокстан әлем чемпионатында Жайна Шекербекова (52 кг дейін) таиландтық Джутамас Джитпонгтан жеңіліп қалды. Қорытынды есеп 1:4. Жайна Түркиядағы бәсекенің қола медаліне ие болды.
Ол ширек финалда Италия намысын қорғайтын Олеся Савчуктан, 1/8 кезеңде жапониялық Киношита Ринкадан, 1-ші кездесуінде Пуэрто-Рико өкілі Мелоди Варгастан айласын асырған.
Айта кетейік, бұл 32 жастағы қазақстандық боксшының әлем чемпионатындағы 3-жүлдесі. 2016 жылы елордада өткен Әлем чемпионатында қола, екі жылдан соң Делидегі бәсекеде күміс медаль алған. Сондай-ақ Азия чемпионатында топ жарып, Азия ойындарында күміске қанағат тұтты.
