Теннис • 19 Мамыр, 2022

Ширек финалға шықты

19 рет көрсетілді

Александр Недовесов Францияның Лион қаласында өтіп жатқан ATP 250 турнирінің жұптық сынында ширек финалға шықты.

Қазақстандық теннисші пәкістандық Айсам-уль-Хак Курешимен бірге бастапқы кездесуін франциялық Юго Бланше мен Альбано Оливеттимен өткізді. Тартысты матч­та қазақстандық-пәкістандық жұп 7:6 (7:5), 7:6 (7:5) есебімен жеңіске жетті. Недовесов пен Куреши жұбы жартылай финалға шығу үшін осы доданың 3-ракеткалары, бельгиялықтар Сандер Жилле – Йоран Флигенмен кездеседі.

Сондай-ақ дәл осы Франциядағы әйгілі «Ролан Гаррос» турнирінің іріктеу сайысына қатысып жатқан әлемнің 191-ракеткасы қазақстандық Тимофей Скатов алғашқы же­ңісіне қол жеткізді. Ол дүниежүзілік рейтингте 145-орында тұрған америкалық Митчелл Крюгермен кездесіп, екі сетте – 6:1, 6:0 есебімен қарсыласын бет қаратпай ұтты. Тимофей кеше аргентиналық Родригес Тавернамен финалдың жолдамасын сарапқа салып, екі сетте – 7:5, 6:1 есебімен жеңіліп қалды. Өкінішке қарай, Дмитрий Попко мен Зарина Диас та алғашқы айналымда қарсыластарына жол беріп, жарыс жолынан шығып қалды.

Соңғы жаңалықтар

Доллар қымбаттады

Қаржы • Бүгін, 10:59

Елордада әуе шары құлады

Оқиға • Бүгін, 10:37

Ұқсас жаңалықтар