Бокс • 20 Мамыр, 2022

Кезекті қарсыластар белгілі болды

24 рет көрсетілді

Жартылай ауыр салмақта өнер көр­сететін қазақстандық боксшы Бекзат Нұрдәулетов (4-0, 2 КО) пен орта сал­­мақта жұдырықтасатын Мейірім Нұр­сұлтановтың (16-0, 9 КО) қар­сыластары белгілі болды.

Қазақстандық Adal Promotions компаниясымен жұмыс істейтін боксшыларымыз 11 мау­сым күні Ақтау қаласында өздерінің кезекті жекпе-жектерін өткізеді. Атап айтқанда, кәсіпқой бокс кешінде әуесқой бокстан 2019 жылғы әлем чемпионы Бекзат Нұрдәулетов аргентиналық Дурваль Паласиомен (9-2, 6 КО) жұдырықтасады деп жоспарланған.

Ал жуырда ғана WBO International чемпиондық белдігін жеңіп алған Мейірім Нұрсұлтанов та аргентиналық боксшымен айқасады. Оның қарсыласы – Себастьян Орасио Папески (18-3, 6 КО) болмақ. Айта кетейік, Б.Нұрдәулетов пен М.Нұрсұлтанов кейінгі жекпе-жектерін ақпанда Ақтауда өткізіп, екеуі де қарсыластарын мерзімінен бұрын жеңген еді.

Соңғы жаңалықтар

Ақжайнақ астана

Елорда • Кеше

Димаш пен Джексон

Өнер • Кеше

Ұқсас жаңалықтар