Хоккей • 20 Мамыр, 2022

Бүгін қазақстандық хоккейшілер Словакияға қарсы ойнайды

23 рет көрсетілді

Шайбалы хоккейден әлем чемпионатында Қазақстан құрамасы бүгінгі кезекті ойынын Словакияға қарсы өткізеді, деп хабарлайды Egemen.kz.

Әлем чемпионантында Қазақстан құрамасы А тобында сынға түсіп жатыр. Қарсыластары - Канада, Словакия, Германия, Дания, Швейцария, Италия және Франция.

Бұған дейін қазақстандық хоккейшілер Дания, Франция, Швейцария және Канада құрамаларынан жеңілді.

Әзірге Қазақстанның қоржынында ұпай жоқ. Ал небәрі үш ұпай еншілеген Словакия турнир кестесінде алтыншы орында келеді.

Екі құрама бұған дейін 7 мәрте кездескен. Оның бесеуі Словакияның жеңісімен аяқталса, бір ойында тең нәтиже тіркелді.

Ал 1998 жылдың 10 ақпанында Қысқы Олимпиада ойындарында Қазақстан аталған қарсыласын 4:3 есебімен жеңген еді.

Кездесу елорда уақытымен 23:20-де басталып, «Qazsport» телеранасы арқылы тікелей эфирде көрсетіледі.

Айта кетсек, Әлем чемпионаты 13-29 мамыр аралығында Финляндияның Хельсинки және Тампере қалаларында өтеді.

Соңғы жаңалықтар

Алматы маңында жер сілкінді

Аймақтар • Бүгін, 16:42

Алматыда үшінші вокзал салынады

Аймақтар • Бүгін, 14:59

Доллар арзандады

Экономика • Бүгін, 14:08

Ұқсас жаңалықтар