«Каспий теңізінің жағалауына ғарыштан мониторинг жүргізу кезінде 19 мамыр сағат 16:15-те «Ақжайық» табиғи резерватының аумағында өрт ошағы тіркелді. Резерват қызметкерлерінің мәліметін тексеру кезінде қамыс өртінің Атырау қаласынан 25 шақырым қашықтағы Каспий теңізінің жағалауында тұтанғаны анықталды. Өрттің аумағы - шамамен 5 гектар», деп хабарлады департаменттің қоғаммен байланыс тобы.
Өрт сөндіруге «Ақжайық» мемлекеттік табиғи резерватынан 10 адам, 2 қайық, 2 мотопомпа тартылған.
19 мамырда 3 гектар аумақтағы өрт сөндірілді. Жалынды сөндіру әлі де жалғасып жатыр.
Айта кетсек, бұл «Ақжайық» мемлекеттік табиғи резерватының аумағында тіркелген алғашқы өрт емес. Бұдан бұрын 21 сәуірде аталған резерватта 9 гектар қамыс өртеніп кеткен еді.
